პერსონალი

ალექსანდრე (სანდრო) ელოშვილი

რეჟისორი

მე რომ პირველად თეატრში მოვხვდი მაშინ გარეთ ციოდა, იყო სიბნელე, ხალხი ერთმანეთს თოფებს, ხანდახან ბომბებსაც კი ესროდა...

თეატრი კი,  ის თეატრი მე რომ პირველად მოვხვდი, ძალიან გავდა ბუნკერს, თავშესაფარს, აი, ომის დროს რომ იმალება ხალხი.

დღეს იმ თეატრის ადგილას უშველებელი სავაჭრო ცენტრია, ბევრი მაღაზიებია და ყველაფერს ყიდიან.

ახლა მე სხვა თეატრში ვარ, მოხატული კედლები, ჩუქურთმები, გაბრდღვიალებული ჭაღები, დიდი დარბაზი რბილი სავარძლებით...

როდესაც სპექტაკლის დასრულებისას, ანუ როდესაც სპექტაკლის ფინალიდან „პაკლონამდე“ რამოდენიმე წამით შუქი ქრება, სიბნელეში ის დრო მახსენდება როდესაც მე პირველად თეატრში მოვხვდი, თეატრში, რომელიც ბუნკერს გავდა, თავშესაფარს...

ყვარყვარე ამბობს: იყო სიბნელე და უკუნი, მოვიდა ნათელი და გაიხსნა ცა...

ახლა ასეა გარეთ, ბომბებს აღარ ისვრიან. თეატრი კი მაინც ბუნკერს გავს, თავშესაფარს, ჩვენი სულების გადასარჩენად...

 

დაამთავრა შოთა რუსთაველის სახელობის თეატრისა და კინოს უნივერსიტეტი

ილიაუნის თეატრში დადგმული სპექტაკლები:
მარკ კამოლეტი "ფრანგული გარნირი"
კლოდ მანიე "ბლეზი"

დადგმული სპექტაკლები სხვა თეატრებში:

თეატრალური სარდაფი რუსთაველზე:
ლაშა ბუღაძე "როცა მთავარ გმირს ეძინა"
სამეფო უბნის თეატრი:
"ქეთო და კოტე" ედუარდო დე ფილიპოს მიხედვით (ვანო დუგლაძესთან ერთად)

ამბროლაურის კულტურის ცენტრი:
ბესო ბარათაშვილი "აკუსტიკა"

კოტე მარჯანიშვილის სახელობის სახელწმიფო დრამატული თეატრი:
მიხეილ ჯავახიშვილის მიხედვით "ჯაყო - ხვალ ომი იქნება..."
რიჩარდ ბაიერი "Mixed emotions"
ალექსანდრე ელიგულაშვილი - პელეგი "შევხვდებით სამოთხეში"
(ავტორი და რეჟისორი, ლევან წულაძესთან ერთად) "მთვრალი ალუბალი" 
ფრიდრიხ დიურენმატი - „მოხუცი ქალის ვიზიტი"
 კარლო გოცი "მეფე-ირემი"

შესრულებული როლები:

თეატრალური სარდაფი რუსთაველზე:
მათხოვარი - "სამგროშიანი ოპერა" (რეჟისორი: ლევან წულაძე)
პიონერი - "აკუსტიკა" (რეჟისორი:  ლევან წულაძე)
ბავშვი - "თვითმკვლელი" (რეჟისორი: ოთარ ეგაძე)
ვასენკა - "სუსტი გული" (რეჟისორი: მიკა კიკაჩეიშვილი)
კაენი - "ბეწვზე გადარჩენილები" (რეჟისორი: ნიკოლოზ ჰაინე–შველიძე)

კინო და ტელე როლები:
ბავშვი - "მარტოობის ორდენის კავალერი" (რეჟისორი: გიორგი ხარაბაძე)

2009-2011 წლებში - თელავის ვაჟა ფშაველას სახელობის სახელმწიფო დრამატული თეატრის ხელმძღვანელის თანაშემწე.